Një histori familjare në zemër të Prezës
Vetëm pak minuta nga Tirana dhe pranë aeroportit, në fshatin e bukur të Prezës, ndodhet Kantina Enol - një destinacion ku vera, ushqimi, natyra dhe mikpritja familjare bashkohen në një përvojë të veçantë.
Enol është më shumë se një kantinë vere. Është një histori familjare e ndërtuar ndër vite nga pasioni, puna dhe dashuria për tokën. Emri Enol është krijuar nga bashkimi i emrave Eni dhe Olsi, fëmijët e themeluesit të kantinës, Qemal Alushi.
Fillimi i një udhëtimi
Historia nisi në fillim të viteve 2000, kur Qemal Alushi vendosi t’i kushtohej pasionit të tij për verën. Vera e parë e kantinës u prodhua në vitin 2002. Në vitin 2018, familja zgjeroi aktivitetin duke krijuar edhe hapësira akomodimi për vizitorët.
